Macam Macam Tembang Macapat dengan Contohnya

Tembang iku ana 3 yaiku :

1. Tembang Gedhe
2. Tembang Tengahan
3. Tembang Alit utawa tembang Macapat

Tembang Macapat

I.Pangertosan

Sekar inggih menika reriptan utawi dhapukaning basa mwi paugeran taramtu (gumathok) ingkang pamaosipun kedah dipunlagokaken ngangge kagunan swanten (Padmaaaaosoekotjo, 1960 : 25)
Sekar Macapat inggih menika sekaar ingkang kaping papat (sekawan )
Waosan sekar
I : maos sekar ageng setunggal sapadeswara (sapada/kalih pada dirge )
II : maos sekar ageng setunggal pada dirga ( kalih pada pala/gatra )
III : maos sekar tengahan
IV : maos sekar alit (macapat)

II.Timbulipun Sekar Macapat

Sekar macapat sampun wonten nalik jaman Majapahit, ananging sakalngkung anem saking sekar tengahan.Sekar Macapat menika manut Tedjohadisumarto karipta dening Prabu Dewawasesa/ Prabu Banjaransari kala taun 1191 utwi 1269 masehi

Antawisipun sekar Macapat kaliyan Tengahan menika meh memper. Paugeranipun meh sami( guru gatra, guru wilangan lan guru lagu ) ingkaang mbedakaken namung basanipun. Sekar Tengahan ngangge basa Jawi Tengahan, dene sekar Macapat ngangge basa Jawi enggql Ing sekar Tengahan limrahipun winastan kidung, mila wonten kidung Durma, Kidung Sinom. Cakepan kasebat sinerat wonten ing Kidung Sundayana.

III.Paugeran Sekar Macapat

Paugeranipun sekar Macapat wonten tiga, inggih menika :

1. Guru gatra yaiku gunggungipun larik ing saben pada
2. Guru wilangan yaiku gunggungipun wanda saben larik/gatra
3. Guru lagu yaiku dhawahing swanten vocal ing pungkasaning gatra

Jumlahipun tembang Macapat wonten 11, inggih menika

1. Mijil
2. Kinanthi
3. Sinom
4. Asmaradaana
5. Dhandhanggula
6. Gambuh
7. Maskumambang
8. Durma
9. Pangkur
10. Megatruh
11. Pocung

Tembang Macapat menika minangka pralambang gesanging manungsa wiwit lair dumugi mati Manungsa lair ing ngalam donya metu saka guwa garba ( MIJIL ) nalika isih cilik kudu dituntun utawa dikanthi ( KINANTHI ) yen wis remaja ( SINOM ) duwe rasa tresna utawa aweh katresnan marang wong liya ( ASMARADANA ). Sing lagi nandhang tresna swasanane katon endah lan manis ( DHANDHANGGULA ) sawise mengku kulawarga kudu ngerti ( GAMBUH ) marang prakaraning urip. Manawa wis tuwa uripe bakal ngambang ( MASKUMAMBANG ) mikirake donya lan akherat. Tambah tuwa saya mundur ( DURMA ) mungkur ing kadonyan ( PANGKUR ) ngadhepi akherat, mula gentur ngibadahe. Sawise mati ateges pegat ruhe ( MEGATRUH ) Banjur dibuntel utawa dipocong ( POCUNG )

IV.Konversi Sekar Macapat

1. Baliswra yaiku rerangkening tembung ingkang nyebal sking paugeran awit kangge njangkepi guru lagu,
   Tuladha :
   Anoman smpun malumpat
   Anoman malumpat sampun (kinanthi)
2. Daya sastra yaiku aksara irung (hanuswara) kangge njangkepi guru wilangan. Daya sastra limrahipun dumadi ing sekar Macapat seratan Jawi.
   Tuladha :
   (ng)guguk, (n)dlarung, (m)baludhus, lsp.
3. Plutan saha Wanchan Yaiku ginanipun kangge nyuda guru wilangan amrih jangkep. Plutan sru, mlas,lyan, wruh. Wancahan : gung, kang, ywa
4. Uluran. Yaiku nambah aksara hanswara, vocal a utawa ma. Kados (m)bludhus dados (m) baludhus, nangis ddos anangis, lsp. Uluran kangge nambah guru wilangan amrih jangkep.
5. Sandi/garba
   Yaiku kangge nyuda guru wilangan
   Tuladha : nara + iswari = nariswari
   Ratu + agung = rtwagun
6. Sandiasma
   Yaiku asmanipun panganggit ingkang dipunsingitaken ing salebeting sekar. Sandiasma saged mapan ing awal pupuh, awal pada, awal gatra
   Tuladha : Ing Serat Ajipamasa
   RA-sikaning sarkara kaesthi,
   DEN-nya kedha mamardi mardawa,
   NGA-yawara puwarane, BE-la-belaning kalbu,
   I-nukarta niskarteng gati,
   RONG-as rehing ukara,
   GA-garanirantuk,
   WAR-ta wasitaningkuna,
   SI-nung tengran “sembah trus kaswareng bumi”
   TA-litining carita
7. Sengkalan : Yaiku tetenger taun ingkang sinawung tembung salebeting sekar. Kados sengkalan ing nginggil : “sembah trus kaswareng bumi” = (1791)

V. Anasir Sekar Macapat

1. Dendha kerata
   caranipun nyekaraken sekar Macapat winastan dendha kerata, tegesipun cetha, boten bindheng boten blero, las-lasan, lugu,bares,prasaja, boten kekathahen laku luk, cengkok, utawi wilet, awit kedah ngengeti suraosing sekar ingkang nembe kawaos.
2. Andhah saha nung sawara
   yaiku luk swanten kadhawahaken ing wanda pungkasaning gatra. Dene anung swara yaiku luk swanten kadhawahaken ing setunggal wanda saderengipun pungkasaning gatra. Tuladha :
   Ingkang becik martabate = (andhah swara)
   Sapa ta kang palakrama
3. Pedhotan
   Pedhotan wonten kalih werni yaiku pedhotan kendho lan pedhotan kenceng. Pedhotan kendho
   Boten munggel wanda ing salebeting tembung. Pedhotan kenceng munggel wanda ing tembung
   Tuladha :
   Kang aran - bebuden luhur, (pedhotan kendho)
   Dudu pangkat-dudu ngelmi (pedhotan kendho)
   Uga dudu-kapinteran (pedhotan kendho)
   Lan dudu pa-ra winasis (pedhotan kenceng)
   Apa maneh-ksugihan (pedhotan kendho)
   Nanging mung-sarining ati (pedhotan kendho)
4. Andhegan
   Yen pedhotan menika mapan ing tembung, dene andhegan mapan ing pungkasaning gatra Andhegan menika wonten tiga :
   
   • Andhegan wantah
   Yaiku mapan ing pungkasaning gatra, suraosing gatra dereng jangkep
   Andhegan wanth menika dumados saking setunggal gatra
   
   • Andhegan alit
   Yaiku mapan ing gaatra, suraosing gatra saged mapan sanadyan dereng setunggal pada.
   Andhegan alit saged dumados saking setunggal gatra utawi langkung
   
   • Andhegan ageng
   Yaiku mapan wonten ing pungkasaning pada, dene suraosingsekar sampun jangkep Andhegan ageng dumados saking setunggal pada.
5. Padhang saha ulihan : Andhegan wantah limrah sinebut padhang awit dereng paripurna, suraosing dereng jangkep. Dene andhegan ageng winastan ulihan, suraosing sekar sampun jangkep. Padhang mapan ing pungkasaning gatra, dene ulihan ing pungkasaning pada (Prawiradisastra, 1996: 42)
6. Wirama : Yaiku wirama ing sekar Macapat limrahipun wirama merdika, boten ajeg
7. Rerengganing sekar Macapat
   
   • Wilet Yaiku variasi titi laras wonten ing pangolahing cengkok
   • Cengkok Yaiku rerangkening titi laras kangge ngolah lagu
   • Luk yaiku andhah swara saha nung swara
   • Gregel yaiku luk ingkang cepet
   • Sliring yaiku mineur, vals, vales, penyimpangan saking skala nada

Wataking Tembang

No.	Nama Sekar	Watak	Ginanipun
1.	Mijil	Asih, prihatin, pangjag	Mulang tiyang ingkang nembe prihatin
2.	Kinnthi	Seneng, asih, kasmaran	Mituturi, pratelan tresna, mulang
3.	Sinom	Ethes, prasaja	Piwulang, wewarah
4.	Asmaradana	Tresna, sedhih, sengsem	Nggambarake kakesitan, mulang, tresna
5.	Dhandhanggula	Luwes, gumbira, endah	Mahyakaken tresna, sedhih nandhang tresn, mbuka sekar/serat, mahyakaken kahanan menapa kemawon cocok
6.	Maskumambang	Nelangsa, ngeres-eresi, sedhih	Mahyakaken raos panalangsa
7.	Durma	Kers, nepsu, semangat	Nggambaraken tiyang nepsu, perang
8.	Pangkur	Sereng, nepsu, gandrung	Pitutur radi srengen,gandrung
9.	Pocung	Sembrana, parikena, lucu	Cangkriman, crita lucu, guyon
10.	Gambuh	Sumanak, sumadulur	Mulang, pitutur
11.	Megatruh	Prihatin, getun, keduwung, sedhih	Cariyos ingkang sedhih, getun

Tembung-tembung kang gegayutan karo tembang ln gamelan

1. Bawa : miwiti gendhing kanthi migunakake tembang
2. Buk : miwiti gendhing kang migunakake swarane rericikan gamelan
3. Suwuk : leren(sirep) tumrap unine gamelan
4. Karawitan : kagunan swara alus kng migunakake gamelan
5. Klenengan jangkep : uyon-uyon nabuh gamelan nganggonricikan kang pepak, kanthi Waranggana lan wiraswara
6. Saprangkat : gamelan komplit laras slendro karo laras pelog
7. Sapangkon : gamelan komplit laras slendro thok utawa laras pelog thok
8. Gerong : tetembangan bareng karo unine gamelan
9. Suluk : kekidungan nalika arep nyritakke wayang
10. Gadhon : uyon-uyon nabuh gamelan kang mung ricikan gamelan sing prelu-prelu bae
11. Sindhen : nembng mbarengi gamelan tumrap waranggana
12. Wiraswara : wong lanng kang sok mbawaningendhing
13. Waranggana/swarawati: wanita kang pakaryane nembang bareng gendhing/gamelan
14. Gendhing : lelagon kang kanggo ing karwitan
15. Cakepan : unen-unen ing tembang
16. Cokekan : uyon-uyon kang mung ricikan kendhang, gender, siter, gong kemodhong kanthi disindheni
17. Titi laras : angka-angka kang nuduhake dhuwur cendheke swara ing gendhing/ tembang

Paugeran tembang Macapat :

No	Sekar Macapat	Guru gatra	Guru wilangan	Guru lagu
1.	Mijil	6	10, 6, 10, 10, 6, 6	I, u, e, I, I, u
2.	Sinom	9	8, 8, 8, 8, 7, 8, 7, 8, 12	a, I, a, I, I, u, a, I, a
3.	Dhandhanggula	10	10, 10, 8, 7, 9, 7, 6, 8, 12, 7	I, a, e, u, I, a, ua, I, a
4.	Kinanthi	6	8, 8, 8, 8, 8, 8,	U, I, a, I, a, i
5.	Asmaradana	7	8, 8, 8, 8, 7, 8, 8	A, I, e, a, a, u, a
6.	Durma	7	12, 7, 6, 7, 8, 5, 7	A, I, a, a, I,a,i
7.	Pangkur	7	8, 11, 8, 7, 12, 8, 8	A, I, u, a, u, a, i
8.	Maskumambang	4	12, 6, 8, 8	I, a, I, a
9.	Pocung	4	12, 6, 8, 12	U, a, I, a
10.	Gambuh	5	7, 10, 12, 8, 8	U, u, I, u, o
11.	Megatruh	5	12, 8, 8, 8, 8	U, I, u, I, o

Share this post